Okay, the 2010 UN Review Summit ended yesterday and since it appears that most 9ja leaders tend to develop amnesia after attending conferences that will benefit the nation, I have decided to remind our leaders of their duties and deter any “convenient amnesia” that may choose to occur once Air force 1 or 2 lands in Abuja or Las-Gidi.
Required steps to Achieving the 8 MDGs:
1) Eradicate extreme hunger and poverty: The 31 page document that was produced at the end of the conference talk say 9ja leaders need to address the real koko wey dey cause wahala. For example, we get pikin wey dey waka for road, dem dey beg for money. Rather than get MOPO to get the pikin off the streets, though that one good sef, the government needs to pursue job-intensive and equitable economic growth to promote full employment (Ask una advisers to break down the meaning of this recommendation). Dem also talk say make the 9ja government promote participation and empowerment of rural women as the personal persons wey go enhance agricultural development and food security.
2) Achieve universal primary education: Fellow world leaders from other countries wey also attend the UN conference recommend that una go have to remove barriers (like the one wey naija’s dey use around their houses to deter armed robbers) outside and within educational systems and strengthen the sustainability of getting money for our national educational systems (Just in case una don forget wetin be dat, dat one na our primary schools, secondary schools, and universities. You know, the one wey some of you never go).
3) Promote gender equality and empowerment of women: Ehen, for the leaders wey no want send girls go school because una say girl pikin na waste of ego, that one must stop. The UN people talk say the 9ja government must remove barriers for the education of girls, ensure free primary schooling and komot policies wey go discriminate against women (For some of our male leaders, no names mentioned, these policies also apply to una houses. Wife battering must stop, female genital mutilation is unacceptable and so on. Girls and women no be slave or dogs. Dem be human beings like you).
4) Reduce child mortality: The 9ja government must ensure that all the pikin wey dey for naija have access to food wey dem fit chop 3 times a day. The government must give mama and papa mosquito nets so dat mosquitoes no go fit have access to bite dia pikin. And if some stubborn pikin no wan sleep under insecticide net, and the mosquito bite am, we must have drugs wey go help the child recover from malaria. The same thing applies to pneumonia and diarrhea. All the pikin wey dey naija must have access to drugs wey go work. We no want fake drugs wey go kill any pikin.
5) Reduce maternal mortality: Biko, fix the hospitals wey dey naija. Pay doctor and nurses well. Talk to your people and family members about affordable and acceptable methods of family planning. E no good wey our hospitals no gree work. Even late President Yardie go Saudi Arabia to get treatment. How una think say that make 9ja look? Una must remember say if una no fix the hospitals wey dey 9ja, one day you sef or your family member go kpafuka because the hospitals no dey work. That one na the law of karma (Ask your pastors and spiritual leaders to explain that one).
6) Combat HIV/AIDS and malaria: Intensify the investment in prevention efforts and increase access to treatments. For example, when a member of the Senate hear say e be like say EFCC go dey look for am, dem go quickly leave the country or go into hiding. Dem no go wait for EFCC to come to their house before dem go try escape. The same way, the government needs to ensure that dem dey educate 9ja’s about preventive measures. The government fit run jingles for radio about using condoms, taking HIV tests and let people know say treatment for HIV/AIDS dey, so people no go die or hide because dem dey shame.
7) Ensuring environmental stability: In sum, make we no burn dorti for road or bridge or forest. E no good for the environment. Bush burning and the useless moto on the roads with bad exhaust, wey don dorti sotay the smoke black like night, dey increase carbon monoxide emission. We no suppose to dey cut trees any which way. E fit cause food shortage, less oxygen in the air and less resources for our pikin‘s pikin. Una suppose watch Al Gore’s Inconvenient Truth, e go teach all of una some very important things about sustaining biological diversity. This one wey e be like say the heat wey dey naija surpass de one wey dey hellfire, we suppose listen o.
8) Develop global partnership for development: Dis one no too hard na. Dem talk say all the “developed” countries (like Obodo America, London, France), suppose contribute money to help “developing countries” achieve the target of 0.7% of gross national product GNP) in terms of official development assistance (OFA). (But come sef, una no say with all the money, resources and intelligence we get for this country, 9ja no suppose be a developing country).
I don try my best. Ehen, so if una need to reach us (9ja citizens) for any thing, una fit use television (NTA, Silverbird, AIT and so on), radio (99.9 The Beat, Cool Fm, Eko fm, Wazobia fm), the internet (naija bloggers plenty, government websites, Sahara Reporters, 234Next.com) and NGOs (the ones wey dey actually use the money dem receive to help the 9ja people).
Una do well for listening. I hope I try with my elocution. Chai, this lingua franca tin no easy at all o!! Well, as we dey say for 9ja, it is well. By the way, Happy 9ja 50th in advance. Make una no embezzle money o. We dey look forward to the elections. E good say INEC don postpone am. We no want wuru wuru elections.
